УБТЗ ХНН-ийн түүхт 75 жилийн ойн хүрээнд “Тээвэр зохион байгуулалтын алба”-ны нэрэмжит шилжин явах цомын аварга шалгаруулах тэмцээнийг ТЗДС-ийн “Төмөр замын ашиглалт-Менежмент-Эдийн засгийн тэнхим” болон ПТК-ийн “Ашиглалт”-ын тэнхимийн оюутнуудын дунд 2024.11.01-ний өдөр амжилттай зохион байгууллаа. Тэмцээн Сагсан бөмбөг, Гар бөмбөг, АХА, Хөгжөөн дэмжигчийн бүжгийн спортын төрлөөр оюутан залуус хурд, хүч, авьяас, оюун ухаанаа дайчлан идэвхтэй оролцож шилдгүүдээ тодрууллаа. Үүнээс Сагсан бөмбөгийн төрлөөр эрэгтэй I-р байр техникчийн 3-р курс ДТ-3, эмэгтэй бакалаврын 4-р курс Д-4, Гар бөмбөгийн төрлөөр эрэгтэй I-р байр бакалаврын 3-р курс Д-3А, эмэгтэй бакалаврын менежментийн 4-р курс М-4, АХА мэдлэг сорих тэмцээний I-р байр бакалаврын 3-р курсын Д-3А ангийн оюутан Ч.Мөнхцэцэг, Хөгжөөн дэмжигчийн бүжгийн спортын төрлөөр I-р байр бакалаврын 4-р курс Д-4 ангийн оюутнууд тус тус шагналт байрыг эзэлсэн юм. Тэгвэл тэмцээний нийлбэр дүнгээр ТУЗБ-ын албаны нэрэмжит “Шилжин явах цом”-ыг Ю.Сарантуяа багштай бакалаврын 4-р курсийн Д-4 ангийн оюутнууд шалгарч бусдаа манлайлаа. Тэмцээнд амжилттай, идэвхтэй оролцсон бүх оюутнууддаа баяр хүргэж, цаашдын сурлагад нь өндөр амжилт хүсье.
